Ish-kreu i bandës së Durrësit, Lulzim Berisha, është ekstraduar nga Spanja dhe ka mbërritur në Shqipëri mbrëmjen e së martës. Berisha u shoqërua nga Interpol Madridi dhe u dorëzua te autoritetet shqiptare në aeroportin “Nënë Tereza” në Rinas, nën masa të rrepta sigurie.

Gjykata Kombëtare e Spanjës pranoi kërkesën e Shqipërisë për ekstradimin e tij, duke rrëzuar pretendimet e 53-vjeçarit, i cili argumentoi se kthimi në vendin e tij do të rrezikonte jetën e tij.

Tashmë, Lulzim Berisha pritet të përballet me drejtësinë shqiptare për akuzat e ngritura ndaj tij.