Një ngjarje e trishtueshme ndodhi në Tiranë mbrëmjen e kësaj të shtune, kur një shofer humbi jetën pasi automjeti që drejtonte përfundoi në lumin Lana. Ngjarja ndodhi rreth orës 19:20, në zonën e Bërxullës, në drejtim të Rinasit.
Policia e Tiranës bën të ditur se, për shkaqe që aktualisht janë të paqarta, shoferi humbi kontrollin e mjetit, duke dalë nga rruga dhe rënë në lumin Lana, duke përfunduar tragjikisht jetën. Grupi hetimor po punon për të sqaruar rrethanat e kësaj ngjarjeje të dhimbshme.
