Të hënën, më 19 gusht, do të zhvillohet një marshim proteste në Pogradec për të kërkuar drejtësi për vdekjen e 42-vjeçarit Egli Porgës. Marshimi, nën moton “Kundër gangove me pushtet”, do të nisë në orën 19:30 nga sheshi Skënderbej dhe do të drejtohet drejt Kryeministrisë.

Vdekja e Eglantin Popës është ende e mbuluar me mister. Dyshohet se ai është vrarë, ndërsa ngjarja është munduar të mbahet e fshehtë. Ditën e djeshme, gjykata caktoi masën e sigurisë “Arrest me burg” për Denis Meçen, autorin e dyshuar të vrasjes së Eglantit. Për tre të akuzuarit për moskallëzim krimi, Voltan Shulku, Arian Manellari, dhe Leonidha Guçe, gjykata caktoi masën “detyrim paraqitje”.

Pas këtyre vendimeve, ka reaguar edhe motra e Eglantit Popa, e cila ka shprehur shqetësimin se drejtësia nuk është bërë dhe se Eglanti është vrarë sërish. Ajo thekson se padrejtësia fillon që nga policia e shtetit, duke përmendur probleme në regjistrimet dhe akuzat për lënien e lirisë së vrasësve.

Një tjetër i afërm i viktimës ka kërkuar nga mediat të ndihmojnë në zbardhjen e plotë të ngjarjes. Ai thekson se kriminelët janë të njohur në qytetin e Pogradecit për veprimtari të tilla si gjobëvënie dhe ka dyshime se shkaku i vrasjes së Eglantit ka qenë refuzimi i tij për të paguar “gjobën” që përbënte xhiroja ditore.