Maxhoranca dhe grupimi i Enkelejd Alibeajt bashkuan votat mbrëmjen e djeshme dhe miratuan disa amendamente në ligjin e dosjeve të ish-sigurimit të shtetit.

Palët politike kanë ndezur “dritën jeshile” për hapjen e plotë të dosjeve nga viti 1944 deri në 1991. Sipas amendamenteve, kandidatët për poste të larta drejtuese duhet të kalojnë sërish në sitën e Autoritetit të Dosjeve, pavarësisht se më parë mund të kenë marrë një certifikatë pastërtie nga dy komisionet “Mezini” dhe “Bezhani”.

Gjatë votimit në parim 97 deputetë votuan pro dhe një abstenim, ndërkohë që gjatë votimit në parim 94 deputetë votuan pro.

Ndryshimet ligjore u shoqëruan me debate në Komisionin e Ligjeve në Kuvend, ndërsa nuk ka munguar retorika e ashpër mes deputetëve të PS dhe PD-së.

Përkundër diskutimeve dhe përplasjeve, mazhoranca më në fund pranoi amendamentin e PD-së duke i hapur rrugë hapjes së të gjitha dosjeve të ish-sigurimit të shtetit.

Amendamenti i PD që u pranua

“Çdo person gëzon të drejtën të njihet me dokumentet e ish sigurimit të shtetit dhe të kërkoj një kopje të tyre, në përputhje me ligjin për të drejtën e informimit, me kusht që kërkuesi të paraqesë të dhëna në kërkesën e tij që mundësojnë lokalizimin e informacioneve. Informacioni jepet vetëm kur angazhimi i nevojshëm për gjejtjen dhe vënien në dispozicion të informacionit është në përpjesëtim të drejtë me interesin e argumentuar të kërkuesit në marrjen e këtij informacioni, Kërkuesi mban përgjegjësi për keqpërdorimin e informacionit të marrë”.

Votimi në parim

97 pro
1 abstenim
0 kundër
Votimi në tërësi

94 pro
1 abstenim
0 kundër