Rusia e konsideron të papranueshëm dërgimin e armëve në Ukrainë nga SHBA-ja.

Ambasadori i Rusisë në Washington, Anatoly Antonov është shprehur në një intervistë televizive kësaj praktike duhet t’i jepet fund.

“Ne theksuam papranueshmërinë e kësaj situate kur Shtetet e Bashkuara të Amerikës dërgojnë armë në Ukrainë ndaj ne kërkuam t’i jepet fund kësaj praktike”, tha ai për kanalin televiziv Rossiya 24.

Antonov shton se Rusia ka dërguar një letër Washingtonit ku shpreh shqetësimin e saj për këtë çështje.

Një ditë më parë, sekretarët amerikane Anthony Blinken dhe Lloyd Austin takuan Presidentin Volodymyr Zelensky në Kiev.

Diplomatët amerikanë deklaruan se SHBA do të dërgojë ndihma ushtarake në vlerë mbi 700 mln dollarë për Ukrainën dhe aleatët në NATO.