Një dokument i publikuar së fundmi nga Arbenita Ismajli në Instagram ka tërhequr vëmendjen e ndjekësve, pasi në të vajza e saj Nina shfaqet me mbiemrin e nënës, “Ismajli”, dhe jo me atë të babait, reperit Fero.

Certifikata, që duket të jetë një dokument nga kopshti ku Nina ndjek aktivitetet, ka nxitur spekulime për një ndryshim të mundshëm të mbiemrit të vajzës. Deri tani nuk ka konfirmim nëse ky është një vendim zyrtar apo thjesht një referencë e përkohshme.

Ndërkohë, marrëdhëniet mes Arbenitës dhe Feros vazhdojnë të jenë të tensionuara, me reperin që disa herë ka akuzuar ish-partneren për shkelje të marrëveshjes së kujdestarisë dhe për mosleje takimesh të shpeshta me vajzën.

Për momentin, Fero nuk ka reaguar publikisht lidhur me ndryshimin e mundshëm të mbiemrit, por kjo ngjarje ka rikthyer fokusin te betejat ligjore dhe emocionet që shoqërojnë marrëdhënien e tyre.