Mbledhja e Asamblesë Kombëtare të Partisë Socialiste është nisur me dyer të mbyllura dhe ka vijuar për më shumë se dy orë. Edi Rama, kreu i PS-së, ka adresuar rezerva dhe kritika ndaj drejtuesve të qarqeve dhe disa deputetëve për punën e bërë, duke filluar me qarkun e Tiranës.
Rama ka shprehur keqardhje dhe rezerva për strukturën e PS-së në Kavajë dhe ka kërkuar që drejtuesit politik të qarkut dhe deputeti Etjen Xhafa të përcaktojnë emrat e anëtarëve të PS-së dhe drejtuesve socialistë që nuk kanë arritur të plotësojnë objektivat në bashkinë e Kavajës.
Në raportimet e drejtuesve të qarqeve të Shkodrës, Lezhës dhe Fierit, Rama ka shfaqur rezerva dhe kritika për performancën dhe angazhimet e disa anëtarëve të PS-së, të cilët pas largimit nga postet e ministrave kanë zbehur angazhimin e tyre.
Si shembull, Rama ka sjellë rastin e ish-ministres Olta Xhaçka, duke theksuar se ajo nuk ka asnjë postim në rrjetet sociale. Kritikat dhe rezervat e kreu të PS-së kanë mbetur për një sërë figurash të tjera, të cilat pritet të zbulojnë në vijim të mbledhjes së Asamblesë.
