Mbrojtësit e Ishullit të Gjarpërinjve në Detin e Zi, të cilët fillimisht u tha se kishin vdekur, janë “të gjallë dhe mirë”, sipas Marinës së Ukrainës.

Të hënën, një deklaratë nga Marina tha se ushtarët në ishull, i njohur gjithashtu si ishulli Zmiinyi, zmbrapsën dy sulme nga forcat ruse, por në fund u detyruan të dorëzoheshin “për shkak të mungesës së municioneve”.

Deklarata vazhdoi duke thënë se forcat ruse kanë shkatërruar plotësisht infrastrukturën e ishujve: fenerë, kulla dhe antena.

Gjatë fundjavës, Shërbimi i Rojës Kufitare të Ukrainës tha se kishte marrë informacion se të 82 ushtarët mund të jenë gjallë.

Mediat shtetërore ruse kanë treguar edhe mbërritjen e ushtarëve ukrainas në Sevastopol të Krimesë, ku po mbahen.