Isuf Koka është biznesmeni shqiptar i cili mbrojti me armë zjarri statujën e heroit kombëtar Skënderbeut në Shkup. Ai shtiu tre herë në ajër për të larguar maqedonasit nga prona e tij, të cilët ishin afruar për ta dëmtuar.

Policia u vonua të reagonte dhe ai i ndje i detyruar të shtinte me armë duke mbledhur rreth vetes edhe shqiptarë të tjerë për të trembur huliganët.

Këta të fundit hodhën sende të forta drejt hotelit të tij. Protestuesit u larguan, por pasojat për Kokën ishin të mëdha.

Hristijan Mickoski, lideri i opozitës maqedonase ka deklaruar se biznesmeni shqiptar donte ta vriste pavarësisht se ky i fundit nuk ishte afër tij apo ngjarjes fizikisht.

Zudi Koka, vëllai i biznesmenit shqiptar është shkarkuar nga kryetarja e qytetit të Shkupit. Ai mbante postin e kryetarit të Drejtorisë për Higjienën Komunale, i emëruar nga partia shqiptare në pushtet Aleanca për Shqiptarët.

Ndërkaq gjykata themelore penale në Shkup ka caktuar masën e paraburgimit prej tetë ditësh për të dhe 2 të tjerë për protestat e 5 korrikut para Kuvendit dhe nga 6 korriku në sheshin “Skënderbeg”.

Në Gjykatën Themelore Penale Shkup, pas prezencës së të dyshuarve të mbrojtësit, ka marrë vendime me të cilat e ka pranuar propozimin e prokurorit dhe të tre personave, sipas propozimit për kryerjen e procedurës, caktohet masa e paraburgimit në kohëzgjatje prej tetë ditësh, sipas propozimit për hetim në procedurë të shkurtuar, njoftoi Gjykata Themelore Penale e Shkupit.

Gjykata vlerëson se janë plotësuar kushtet e nenit 470 paragrafi 1 pikat 1 dhe 2, përkatësisht se ekziston rreziku i arratisjes dhe mundësia që të dyshuarit ta përsërisin veprën. Kundër këtyre vendimeve të paligjshme, palët kanë të drejtë ankim në Këshillin Penal të kësaj gjykate.