Pas Dibrës dhe Kukësit, Gjirokastra është qarku i tretë që mbyll procesin e numërimit të votave.
Në këtë qark me vetëm katër mandate, tre i ka marrë Partia Socialiste dhe vetëm një Partia Demokratike.
Kështu, PS ka siguruar 24531 vota, ndërsa PD gjysmën e tyre prej 13971. LSI ka marrë 5778 vota, duke mos siguruar dot mandatin e deputetit.
Procesi i votimit ka përfunduar gjithashtu edhe në qarkun e Sarandës. Rezultati i zgjedhjeve në Sarandë nuk ka asnjë surprizë.
Pas numërimit të votave në KZAZ-në numër 90 që i përket Bashkisë së Sarandës, Partia Socialiste rezulton fituese.
Nga numri i 53 qendrave të votimit, kjo forcë ka siguruar 7842 ose 53 për qind, pasuar nga Partia Demokratike me 5061ose 33 për qind si dhe LSI 1480 ose 10 për qind.