Është mbyllur zyrtarisht procesi i votimit për zgjedhjet lokale të Rrogozhinës, të cilat u ripërsëritën me vendim të Kolegjit Zgjedhor, për shkak të parregullsive me kutinë e burgut në 14 Maj.

Në zgjedhjet që u mbajtën këtë të dielë, është vënë re një pjesëmarrje më e lartë se në zgjedhjet e 14 Majit.

Në garë për Bashkinë e Rrogozhinës, e cila për nga numri i popullsisë hyn te njësitëe vogla të qeverisjes vendore, janë Edison Memolla nga PS, i cili kërkon mandatin e dytë, dhe Shkëlqim Hoxha nga koalicioni Bashkë Fitojmë.

Në ndryshim nga zgjedhjet e 14 Majit, këtë herë të burgosurit e Rrogozhinës nuk kanë pasur të drejtë vote, pasi pikërisht unanimiteti i tyre në favor të socialistëve u bë shkak për përsëritjen e votimeve.

Nga kandidati Hoxha ka pasur akuza për presione dhe manipulim të procesit zgjedhor, ndërkohë që do të na duhet të presim disa orë për të mësuar dhe rezultatin, se cili kamp do të jetë fitues.