Dita e sotme në shtëpinë e “Big Brother VIP 4” nisi me qetësi, por shpejt atmosfera u tensionua pas një debati të ashpër mes G-Banit dhe Rozana Radit. Shkak për përplasjen u bë një koment i G-Banit ndaj Livias, që solli reagimin e këngëtares.

Teksa G-Bani e ofendonte Livian, Rozana ndërhyri duke e pyetur përse i fyen vajzat e shtëpisë, çka e acaroi më shumë situatën. G-Bani vijoi të përdorte fjalë fyese, ndërsa Rozana e quajti atë një “burrë pa respekt” për mënyrën se si i trajton vajzat.

Pjesë nga debati:

G-Bani: O budallaqe, o idiote, ça ke? Ça halli ke?
Rozana: Ti u ke thënë vajzave këtu “legene”, “budallaqe”. Pse jemi idiote?
G-Bani: Idiote!
Rozana: Largohu!
G-Bani: Ti erdhe, ishe aty, pse erdhe?
Rozana: Kush është idiote?
G-Bani: Me legenet si puna jote!
Rozana: Një burrë që shan femrat nuk është burrë!

Debati përshkallëzoi, me Rozanën që e cilësoi G-Banin si një njeri me “gojë të pisët”, ndërsa ky i fundit nuk ndaloi fyerjet.

Ky moment ka sjellë reagime të shumta nga ndjekësit e formatit, të cilët kanë ndarë opinionet e tyre në rrjetet sociale. Disa e kanë mbështetur Rozanën për ndërhyrjen e saj, ndërsa të tjerë e kanë kritikuar për mënyrën se si e trajtoi situatën.

A do të ketë një ndërhyrje nga “Vëllai i Madh” për këtë përplasje? Mbetet për t’u parë në vazhdim.