Banori i “Big Brother VIP”, Shëndriti, ka ndarë brenda shtëpisë një përvojë të vështirë nga fëmijëria, duke treguar se ka vuajtur nga bullizmi. Mes lotësh, ai rrëfeu se në ditën e lindjes së tij në shkollë fillore, si një “dhuratë” e trishtë, është mbyllur në një garazh me një qen, i cili e ka kafshuar dhe i ka lënë shenja.

Për këtë histori ka folur edhe miku i tij në emisionin “Breaking” në Top News:
“Ka ndodhur kur ai ishte në shkollën fillore. Është një fenomen që ndodh në mënyrë të frikshme dhe përhapet shumë. Historia e tij duhet të sensibilizojë njerëzit: stop bullizimit! Familja dhe ne shoqëria kemi qenë në dijeni, por jo me detaje. Për herë të parë e dëgjuam dje,” tha ai.

Rrëfimi i Shëndritit rikujton pasojat e bullizmit dhe rëndësinë e ndërgjegjësimit për ta luftuar këtë fenomen që ndikon rëndë në jetën e fëmijëve dhe të rinjve.