Antoneta Sevdari ka shprehur gëzimin e saj pas vendimit për t’u rikthyer në detyrë si prokurore, duke e vlerësuar si një fitore personale dhe profesionale. Ajo tha se ndihet e emocionuar dhe shpreson të ecë në rrugën e drejtësisë. Vendimi për rikthimin e saj u mor pas rishikimit të vendimit të shkarkimit nga Komisioni i Posaçëm i Apelimit, pas një vendimi të Strasburgut që i dha të drejtë Sevdarit dhe dënoi Shqipërinë me dëmshpërblim.

“Kjo është shumë e rëndësishme për mua si personalisht dhe profesionalisht. Ndihem shumë e gëzuar që më në fund arrita të marrë drejtësinë që meritoja. Sot është dita e drejtësisë dhe shpresoj të jem në rrugën e saj. Faleminderit ndihem e emocionuar dhe nuk kam fjalë të tjerë“, tha ajo.

Kjo është hera e parë që është rishikuar një vendim shkarkimi nga vettingu me formë të prerë për prokuroren Antoneta Sevdari, ish anëtare e KLP-së. Rishikimi i vendimit të shkarkimit nga Komisioni i Posaçëm i Apelimit erdhi pas vendimit të gjykatës së Strasburgut që i dha të drejtë Sevdarit.

Strasburgu dënoi Shqipërinë me dëmshpërblimin e prokurores me disa paga dhe sugjeroi të rishikohej vendimi i shkarkimit të saj pasi i janë shkelur disa të drejta gjatë rivlerësimit kalimtar.