Ditë pasi arriti të fitojë gjyqin për të takuar të bijën, reperi nga Kosova, Fero, ka filluar sërish problemet me ish-bashkëshorten e tij, modelen Arbenita Ismajli. Përmes një postimi në rrjete sociale, Fero shprehet se kur e mori vajzën nga nëna e saj, ajo kishte ndryshuar tërësisht dhe akuzoi familjarët e Arbenitës, si dhe vetë atë, për këtë situatë.

Ai ka thënë se kur u takua me vajzën, ajo e quante “babi i keq” dhe madje e godiste. “Deshta me ju lajmëru mediave që unë kam pasur te Qendra për Punë Sociale, kam pas me marrë vajzën të hënën, kur erdhi vajza nuk e njoha as vajzën time, më thoshte babi i keq edhe më qëllonte, do të thotë e ndikuar prej familjarëve të Arbenitës dhe prej Arbenitës,” tha Fero.

Ai theksoi se pas këtij incidenti, e ka ndjerë se i janë shkelur të gjitha të drejtat për vajzën e tij. “Pres nga organet e shtetit që të marrin masa. Edhe e di që doni të më lëndoni, fatkeqësisht nuk është më e suksesshme, nuk lëndohem lehtë dhe se betejat e mia do t’i fitoj një nga një. Nuk kam mbrojtës tjetër përveç Allahut, Allahu më mjafton,” përfundoi ai në postimin e tij.