Megi Fino, vajza e ish-kryeministrit Bashkim Fino, ka bërë një postim prekës në rrjetet sociale, duke kujtuar të atin në përvjetorin e katërt të ndarjes së tij nga jeta.

Në një foto të publikuar, ajo ka shprehur mallin dhe mungesën e tij, duke theksuar se edhe pse kanë kaluar katër vite, praninë e tij e ndien çdo ditë.

“Katër vite pa ty, por çdo ditë ndiejmë praninë tënde. Si gjithmonë, je mbështetja dhe forca ime më e madhe. Na mungon pafund,” – shkroi Megi Fino krahas imazhit të të atit.

Përveç kësaj, ajo ka ndarë edhe një shprehje të Ben Blushit për Bashkim Finon, ku ai e përshkruan si një njeri që e bënte çdo humbje të ndjehej si një fitore, qoftë në një lojë, një ndeshje apo në zgjedhjet politike.