Reperja e njohur shqiptare, Melinda Ademi, prej disa javësh ka qenë në qendër të vëmendjes pas martesës me menaxherin e saj, Granit Muhaxheri. Martesa private u përfol gjerësisht në rrjete sociale, por së fundmi fansat kanë vënë re diçka tjetër që ka ngritur dyshime.

Në një video të publikuar në Instastory, Melinda shihet në bord të një avioni, me stilin e saj karakteristik, por vëmendjen mori barku i saj i rrumbullakosur. Teksa reperja mban dorën afër unazës së martesës me diamante, ndjekësit vënë re sikur po përpiqej ta fshihte, duke nxitur spekulime për një shtatzëni të mundshme.

As Melinda dhe as Graniti nuk kanë reaguar ende, por komentet e fansave janë të shumta, duke parashikuar se çifti mund të sjellë së shpejti fëmijën e parë.

Deri tani mbetet e paqartë nëse bëhet fjalë për një “pritje të ëmbël” apo thjesht një iluzion optik nga veshja, por një gjë është e sigurt: Melinda po jeton një nga periudhat më të lumtura të jetës së saj, si në karrierë, ashtu edhe në dashuri.