Vendet anëtare të Bashkimit Evropian kanë rënë dakord ditën e sotme 16 qershor 2021 të heqin kufizimet e udhëtimit për udhëtarët nga tetë vende dhe territore duke përfshirë, Shqipërinë, Serbinë dhe Maqedoninë e Veriut.

Përveç tre vendeve të Ballkanit Perëndimor, në listë janë edhe Shtetet e Bashkuara, Hong Kongu, Makao, Arabia Saudite dhe Tajvani.

Pavarësisht vendimit, ndonjë nga shtetet anëtare mund të vazhdojë të kërkojë test negativ për COVID-19 ose një periudhë karantine.

Ministria e Shëndetësisë ka përshëndetura vendimin e Bashkimit Europian për të hequr kufizimet e udhëtarëve nga Ballkani  Perëndimor, përfshirë edhe Shqipërinë.

Në një postim në Facebook, ministrja thotë se ky është një lajm i shumëpritur, por edhe një shenjë që tregon se vendi po shkon drejt një normaliteti.

Postimi i Ministres Manastirliu

Dakordësia e vendeve të Bashkimit Europian për të hequr kufizimet e udhëtimit për Shqipërinë është padyshim një lajm i mirë

Një lajm i shumëpritur për të gjithë shqiptarët por edhe një shenjë e mirë se po shkojmë drejt normalitetit që të gjithë dëshirojmë

Por sërish një apel për të gjithë qytetarët: Të mos e ulim vigjilencën, në këto metra të fundit drejt daljes nga tuneli i gjatë i pandemisë.