Në veri të Mitrovicës, janë shfaqur mesazhe provokuese me tekstin “Kur ushtria kthehet në Kosovë, Brigada e Veriut jeton”. Këto mesazhe kanë dalë një ditë para protestës së ftuar nga Lista Serbe, e cila është planifikuar të mbahet të hënën. Këto shenja shfaqen një ditë pas marshimit të tifozëve të Crvena Zvezdës në Beograd, ku ata kishin shpalosur një pankartë me mesazhin “Shtet, ndalo emigrimin e serbëve nga Kosova!”.

Grafite të ngjashme janë vërejtur edhe në Zveçan, Leposaviq e Zubin-Potok, sipas burimeve të “Kosovo Online”. Mesazhet e tilla kanë shpërndarë tensione dhe janë shfaqur më herët nëpër rrugët e Mitrovicës së Veriut dhe komunave të tjera në veri të Kosovës.