Kandidatja për deputete e Aleancës Madhështore dhe përfaqësuese e PDIU-së, Mesila Doda, ka ndarë me ndjekësit e saj në rrjetet sociale lajmin se i është nënshtruar një ndërhyrjeje kirurgjikale në Qendrën Spitalore Universitare “Nënë Tereza”.

Në postimin e saj, Doda ka falënderuar nga zemra profesor Arvin Dibrën dhe ekipin e tij, duke përfshirë dr. Drini Shehun, dr. Majlinda Nacon, si dhe gjithë personelin mjekësor dhe infermieror që u kujdesën për të. Ajo ka vlerësuar profesionalizmin dhe përkujdesjen që ka marrë gjatë trajtimit, duke theksuar se është ndjerë sikur të ishte shtruar në një strukturë spitalore europiane.

“Sot, pas një ndërhyrjeje në QSUT, falënderoj nga zemra prof. Arvin Dibra dhe gjithë ekipin e tij: dr. Drini Shehu, dr. Majlinda Naco dhe gjithë personelin e mjekëve dhe infermierëve që sot më risollën besimin te mjekësia publike në Shqipëri. Profesionalizmi, mirësjellja dhe gatishmëria e tyre më bënë të ndihem si në një strukturë europiane. Faleminderit nga zemra!”, shkruan Doda në mesazhin e saj.