Kryetari i Partisë së Lirisë, Ilir Meta ka akuzuar kryeministrin shqiptar Edi Rama për “marrëdhënie vasaliteti” me liderin e Serbisë Aleksandër Vuçiç.

“Çdo marrëdhënie vasaliteti është e papranueshme, ne duam marrëdhënie konstruktive, e dua t’u kujtoj që dhe në marrëdhënie me Shqipërinë, Seriba çon përpara vetëm marrëveshjet apo projektet që i interesojnë asaj.

Marrëdhënia e vasalitetit është e provuar, nuk është e dyshuar dhe nga kjo marrëdhënie duhet të hiqet dorë menjëherë”, tha Meta.

Ndërkohë i pyetur për deklaratën e kryeministrit Edi Rama se Ballkani i Hapur do e ndihmojë situatën e krijuar në Veri, Meta tha se “nuk dua ta besoj që një gjë e tillë është thënë, tregon që vasaliteti vazhdon thellohet dhe ndoshta është edhe i paevitueshëm derisa këtë çështje ta zgjidhë në mënyrë të qartë populli i Shqipërisë që ka miratuar një politikë të jashtme prej kohësh që ka qenë e qendrueshme, konstante e në ndihmë të forcimit të shtetësisë së Kosovës, dhe të gjithë asaj fryme partneriteti të barabartë midis të gjithë vendeve të rajonit tonë”.