Ilir Meta, kreu i Partisë së Lirisë, vazhdon sulmet ndaj kryetarit të SPAK, Altin Dumanit, duke e quajtur “laraskë” dhe duke mos u ndalur në reagimin e ambasadave ndërkombëtare. Meta vlerëson se akuzat e tij nuk janë lojë për t’u shpëtuar drejtësisë, por për të përfunduar dualizmin në drejtimin e Partisë së Lirisë. Ai planifikon të thërrasë një konventë kombëtare të shtunën e ardhshme, ku do të zgjedhë veten president dhe do të ndryshojë drejtimin e partisë.

“Jam i bindur që ndërkombëtarët që kanë bërë deklarata, mund të kenë mundësinë t’i shikojnë se çfarë ka thënë Dumani. Ata bëjnë mirë, që nëse iu është kërkuar ndihmë nga buburrecat e Edi Ramës, apo kryebuburreci në drejtësi, kjo nuk na habit se deklarata të tilla kanë bërë dhe disa miq të McGonigal që merrnin lekë dhe puse nate nga Rama. Nëse është Dumani si heq asnjë presje. Nëse është sozia që mund ta ketë bërë Berisha, me qëllim për të diskretituar SPAK, është gjë tjetër.”– u shpreh Meta.

Shpërthimet e ditëve të fundit për tradhti brenda partisë dhe divorci politik tashmë i bërë publik me Monika Kryemadhin, Meta tha se nuk janë lojë për t’i shpëtuar drejtësisë por për t’i dhënë fund dualizmit në drejtimin e PL.

‘Ju niseni nga informacioni nga grupi i zjarrit? Nuk ka asnjë lojë, ose loja është e hapur!’– u shpreh Meta.

Të shtunën e ardhshme Ilir Meta ka thirrur konventën kombëtare, ku do të bëjë veten President, e do t’i japë poste vetëm të besuarve të tij, duke larguar nga ekipi drejtues grupin Kryemadhi.