Milan ka arritur marrëveshjen për transferimin e Konrad Harder nga Sportingu i Lisbonës, duke e bërë sulmuesin 20-vjeçar lojtarin më të ri të skuadrës kuqezinjve. Përfaqësuesit e Harder janë takuar sot me drejtuesit e Milanit, ndërsa mbetet vetëm mbërritja e tij në Milano për finalizimin e transferimit.

Ky do të jetë një transferim përfundimtar, jo huazim, me një kosto prej 24 milionë eurosh plus bonuse që mund të arrijnë 3 milionë euro. Kontrata e Harder do të jetë 5-vjeçare, me një pagë vjetore prej 2 milionë eurosh.

20-vjeçari vjen nga një sezon i suksesshëm te Sporting, ku regjistroi 12 gola dhe 7 asistime, dhe konsiderohet si një nga bastet më të mëdha të Milanit dhe Igli Tares. Klubet kuqezinj ishin në kërkim prej kohësh për një sulmues qendre, ndërsa Harder përbën zgjedhjen kryesore pas Viktor Bonifejs dhe Rasmus Hojlund, që konsideroheshin si alternativa.