Ministri i Brendshëm, Taulant Balla, ka zhvilluar një takim me Sekretarin e Përgjithshëm të Interpolit, Jürgen Stock, në Lion të Francës. Gjatë takimit, ministri Balla ka theksuar nevojën për hapjen e rrugës së ekstradimeve të individëve të kërkuar për krime të rënda nga Dubai dhe Amerika Latine. Ministri shprehu vullnetin për thellimin e bashkëpunimit në gjetjen e personave në kërkim nga drejtësia shqiptare, luftën kundër krimit të organizuar, trafikut të lëndëve narkotike, dhe forcimin e kapaciteteve të Policisë së Shtetit për të përballuar krimet kibernetike.

Ballla vuri theksin në historinë e gjatë të bashkëpunimit mes Shqipërisë dhe Interpolit, duke përmendur se vendi ka një listë të personave të kërkuar për krime të rënda që duhet të ekstradohen në Shqipëri. Ministri i Brendshëm theksoi se kjo bashkëpunim do të forcohet për të goditur krimin ndërkombëtar dhe për të mbrojtur shoqërinë nga kërcënime të tilla si trafikimi i drogës dhe krimet kibernetike.