Një ditë pas vrasjes së efektivit të policisë, Saimir Hoxha, Ministri i Brendshëm, Bledi Çuçi në një deklaratë për mediat ka thënë se shumë shpejt do të ketë një informacion të plotë rreth situatës.

Çuçi thotë se sot do të përcillet polici si dëshmor atdheu teksa theksoi se SHÇBA po bën punën e saj.

Ai theksoi se ky vit do të jetë ndër më të suksesshmit në luftën kundër kanabisit në Shqipëri pasi deri më tani ka arritur majat.

“Policia e ka bërë të qartë edhe operacionin për të cilin forcat e policisë ishin dje në të ngjarje për fat të keq tragjike. Kështu që besoj se në drejtorinë e policisë do të merrni informacionin për atë situatë”, tha ministri.

‘’SHÇBA bën punën e saj para ligjit, mos merruni me këtë çështje, sot do të përcjellim Dëshmorin e Atdheut.

E keni gabim, statistika ka, botohen çdo muaj. Kemi statistikat që publikohen periodikisht bashkë me partnerët tanë. Lufta kundër fenomenit të kultivimit të kanabisit ka shënuar majën, e tregojnë shumë këtë.

“Shkoni në drejtorinë e policisë dhe aty do ti gjeni statistikat. Ju siguroj që lufta kundër fenomenit të mbjelljes së kanabisit ka shënuar majat këtë vit. Së pari është numri i hektarëve që janë asgjësuar, është presioni që është rritur nga trafikantët në lidhje me mungesën në treg të këtij produkti narkotik dhe janë të dhëna të tërthorta, nuk ka asnjë gomone të kapur këtë vit me kanabis ne Itali. Këto janë tregues që ky fenomen është zvogëluar. Besoj se do jetë një nga vitet më të suksesshme”, tha ministri.