Në një konferencë të përbashkët me ministrin e Jashtëm turk, Hakan Fidan, ministri i Jashtëm shqiptar Igli Hasani theksoi miqësinë thelbësore me Turqinë dhe rritjen e bashkëpunimit.

Ata diskutuan veçanërisht për fushën ekonomike, ku Hasani bëri të ditur se investimet turke në Shqipëri janë 3.7 mld euro dhe 15 mijë shqiptarë janë të punësuar në kompanitë turke.

Hasani gjithashtu përmendi mbështetjen e palëkundur për integritetin territorial të Ukrainës në kontekst të agresionit rus, duke shfaqur një qëndrim të përbashkët me homologun turk në këtë çështje.

‘Turqia mike na është gjendur gjithmonë pranë në ditët tona më të vështira. Marrëdhëniet mes vendeve tona kanë njohur vetëm rritje e konsolidim. Intensifikimi i dialogut politik mes nesh, ka sjellë një rritje të bashkëpunimit dypalësh. Diskutuam për bashkëpunimin në fushën ekonomike dhe tregtare. Investimet turke në Shqipëri arrijnë 3.7 mld euro. 15 mijë shqiptarë janë të punësuar me 630 kompani turke që operojnë në vendin tonë. Përshëndesim miratimin nga parlamenti turk marrëveshjen për njohjet reciproket të patentave. Shqipëria do të vazhdojë angazhimin shumë palësh në 4 nisma rajonale dhe përmbushja me sukses do të kërkojë edhe bashkëpunimin e ngushtë me Turqinë. Me kolegun Hakan bashkëndamë mendime të njëjta me agresionin rus në Ukrainë dhe kemi shprehur mbështetjen e palëkundur për integritetin territorial të Ukrainës.’- tha Hasani.