Ministria e Arsimit e Greqisë ka nisur një hetim urgjent administrativ pas akuzave për sjellje të papërshtatshme nga një mësues edukimi fizik në një shkollë të mesme profesionale në ishullin Evia, pranë Athinës. Mësuesi dyshohet se u ka kërkuar nxënësve që ta masazhojnë gjatë një mësimi për teknikat e masazhit të Greqishtes së lashtë.

Sipas akuzave, gjatë mësimit, mësuesi ka kërkuar që nxënësit të masazhojnë shpinën e tij, duke shkaktuar shqetësim mes komunitetit shkollor. Ngjarja u bë publike pasi një foto u shpërnda në rrjetet sociale, ku shihej mësuesi i shtrirë gjysmë i zhveshur në një tavolinë masazhi.

Pas ngjarjes, autoritetet janë njoftuar nga Drejtoria e Arsimit të Mesëm dhe Ministria e Arsimit e Greqisë, e cila ka kërkuar fillimin e hetimeve për rastin. Për momentin, nuk ka informacione të tjera mbi zhvillimin e hetimeve.