Sot bëhen efektive ndryshimet në ligjin për Tatimin mbi Vlerën e Shtuar (TVSH), ku disa produkte janë përjashtuar nga tatimi. Në veçanti, kafshët e racës së pastër për riprodhim, bletët, dhe insektet që zëvendësojnë pesticidet tani janë të përjashtuara nga TVSH.

Këto ndryshime synojnë të përmirësojnë kushtet për prodhimin e kafshëve dhe të promovojnë metodat inovative dhe mjedisore në bujqësi, duke përfshirë prodhimin blegtoral dhe bletarisë organike. Ministria e Bujqësisë dhe Zhvillimit Rural shprehu bindjen se këto masa do të kontribuojnë në zhvillimin e sektorit bujqësor dhe përmirësimin e kushteve për fermerët.

“Po ashtu këto masa ndihmojnë zhvillimin e sektorit të bletarisë; stimulimin e prodhimit organik dhe luftës me metoda organike në bujqësi; përdorimin e metodave inovative në bujqësi për kontrollin biologjik të insekteve të dëmshme”, u shpreh Denaj.