Ministria e Shëndetësisë në Gazë, e udhëhequr nga Hamasi, ka njoftuar se numri i palestinezëve të vrarë që nga fillimi i konfliktit me Izraelin më 7 tetor ka tejkaluar shifrën prej 8,000 viktimash.

Ky numër i palestinezëve të vrarë është rritur në 8,005, duke përfshirë më shumë se 3,300 të mitur dhe mbi 2,000 gra. Ministria e Shëndetësisë në Gazë është pjesë e Qeverisë udhëhequr nga Hamasi, por përfshin edhe mjekë dhe personel civilë që nuk janë të lidhur me grupin.

Kjo shifër e viktimave tejkalon numrat e regjistruar nga Kombet e Bashkuara dhe vlerësimet e Izraelit. Ministria e Shëndetësisë në Gazë ka publikuar emrat dhe moshën e shumicës së viktimave të regjistruara, ndërsa disa trupa ende nuk janë identifikuar.

Në të njëjtën kohë, mbi 1,400 persona janë vrarë në Izrael, shumica prej tyre civile, gjatë sulmit të Hamasit në Izrael më 7 tetor. Nga ana tjetër, pas fillimit të konfliktit, Izraeli ka kryer sulme nga toka, ajri dhe deti në Zonën e Gazës, ku jetojnë 2.3 milionë palestinezë.