Ambasadori i Bashkimit Evropian në Tiranë, Luigi Soreca ka reaguar për dekretimin e anëtarit të dhjetë të Gjykatës së Lartë. Kreu i shtetit dekretoi emrin e gjyqtares Arbena Ahmeti në Gjykatën së Lartë.

Në një postim në rrjetet sociale ambasadori Luigi Soreca ka theksuar se ky është një hap i rëndësishëm në konsolidimin e Reformës në Drejtësi në Shqipëri.

“Ne mirëpresim emërimin e sotëm nga presidenti Ilir Meta të anëtarit të 10-të të Gjykatës së Lartë, i cili tashmë ka arritur kuorumin për emërimin e anëtarëve të Gjykatës Kushtetuese.

Ky është një tjetër hap i rëndësishëm në konsolidimin e Reformës në Drejtësi në Shqipëri!”- shkruan ambasadori në një postim në Twitter.

Gjykata e Lartë u bë nga sot me 10 (dhjetë) gjyqtarë, nga 19 anëtarë, që duhet të ketë.