Një çift të moshuarish, Kosta dhe Kleoniqi Ilia, u gjetën të pajetë në banesën e tyre në fshatin Bodrisht të Dropullit, në një ngjarje të shokuar që po hetohet nga autoritetet.

Trupat e tyre të plagosur tregojnë shenja të mundshme të dhunës, megjithatë nuk janë zbuluar thyerje të dyerve apo dritareve. Fqinjët e tyre përshkruajnë çiftin si një çift të lumtur dhe të vetmuar, duke theksuar se ata nuk kishin probleme në martesë.

Sakaq nga verifikimet e bëra në shtëpinë e çiftit Ilia, policia njofton se nuk ka konstatuar thyerje të dyerve apo dritareve, si dhe në brendësi të banesës nuk janë konstatuar çrregullime të orendive.

Fqinjë të të moshuarve deklarojnë se ata ishin një çift pa probleme dhe jetonin të vetëm.

“Ishin çift i lumtur, nuk kishin as fëmijë, asgjë. Ishin njëri për tjetrin”, tha njëra prej tyre.

Për zbardhjen e kësaj ngjarje të rëndë policia po kryen verifikime në disa pista, ndërsa në pyetje janë marrë të afërm të të moshuarve të cilët mund të japin të dhëna të vlefshme për hetimin.