Tiranë – Një ngjarje e rëndë ka ndodhur mesditën e sotme brenda ambienteve të spitalit “Shefqet Ndroqi”, ku mjeku radiolog Dashamir Çajka ka goditur me thikë infermierin Mikel Osmani.

Sipas raportimeve paraprake, incidenti ka ndodhur rreth orës 11:20, pas një konflikti për motive të dobëta mes punonjësve të spitalit. Infermieri 32-vjeçar ndodhet nën kujdesin e mjekëve, ndërsa gjendja e tij shëndetësore ende nuk është bërë publike.

Policia ka konfirmuar se mjeku radiolog ndodhet në arrati dhe po punohet intensivisht për kapjen e tij. Grupi hetimor është duke dokumentuar të gjitha rrethanat e ngjarjes.

Sipas mediave, Çajka është gjithashtu president i ekipit të peshëngritjes të Kamzës, çka ka shtuar shqetësimin e komunitetit rreth ngjarjes.

“Rreth orës 11:20, dyshohet se gjatë një konflikti për motive të dobëta, shtetasi D. Ç., rreth 32 vjeç, ka goditur me mjet prerës shtetasin M. O., rreth 37 vjeç, të dy punonjës të spitalit. Shtetasi M. O. është në kujdesin e mjekëve. Shërbimet e Policisë po punojnë për kapjen e shtetasit D. Ç. Grupi hetimor po punon për dokumentimin e rrethanave të rastit,” njoftoi policia.