Modelja angleze dhe ish-ylli i Love Island, Arabella Chi, ka ndarë me ndjekësit e saj momente të veçanta nga pritja e ëmbël, teksa po shijon pushimet në Meksikë me partnerin e saj, Billy Henty.

Në një album fotosh të publikuar në Instagram, 33-vjeçarja shfaqet rrezatuese në bikini, duke ekspozuar me krenari barkun e rrumbullakosur, ndërsa shijon diellin dhe detin.

Për të kompletuar look-un e saj, Arabella kishte zgjedhur aksesorë të artë, përfshirë një palë rrathë dhe disa gjerdanë, duke i dhënë një prekje elegante pamjes së saj tropikale.

Krahas fotove, modelja emocionoi ndjekësit me një dedikim për vajzën që pritet të vijë në jetë:
“Çdo ditë është një ditë më afër takimit me ty, vajza ime princeshë.”

Fansat dhe miqtë e saj u mblodhën në seksionin e komenteve për t’i shprehur urime dhe mbështetje në këtë kapitull të ri të jetës së saj.