Pas fjalës së deputetes Olta Xhaçka në Kuvend, Monika Kryemadhi, deputete e Partisë së Lirisë, akuzoi Xhaçkën për të qenë pjesë e një regjimi hibrid që drejton mazhoranca.
“Ju kujtojmë Xhafajn para disa vitesh për vilën që ju dha Bashës për të larguar ministrin e Brendshëm”, tha Kryemadhi, duke shtuar se drejtësia funksionon me regji dhe Xhaçka është pjesë e kësaj regjie. Ajo gjithashtu akuzoi mazhorancën për të ushqyer opinionin publik për të larguar vëmendjen nga çështjet e ndjeshme si inceneratorët dhe fondet e IPARD.
Më vjen keq që ne gratë bëhemi mish për top për burrat, por ‘karma is bitch’ Olta. Sot pas 34 vitesh gjendemi akoma në një regjim hibrid gjysmë demokratike. Nga një vend hibrid po shkojmë drejt një vendi autoritar. Drejtësia funksionon me regji dhe Olta Xhaçka është pjesë e regjisë.
I duhet mazhorancës ushqim për opinion publik që të largohet vëmendja nga inceneratorët, fondet e IPARD. Ju kujtojmë Xhafajn para disa vitesh për vilën që ju dha Bashës për të larguar ministrin e Brendshëm.
Elitat e së shkuarës dhe të ardhmes të cilat vazhdojmë të jemi informal edhe në punën që bëjmë vazhdojmë të kemi një punën informale. Nuk kemi një vizion të qartë cila do të jetë ekonomia shqiptare për të ardhmen.’- tha Kryemadhi.
Kryemadhi theksoi nevojën për një vizion të qartë për të ardhmen e ekonomisë shqiptare, duke bërë thirrje për të hequr dorë nga puna informale dhe të punohet në një drejtim të qartë për të ardhmen e vendit.
