Deputetja e Partisë së Lirisë, Monika Kryemadhi, ka dalë sot nga SPAK, ku u paraqit për të zbatuar masën e sigurisë “detyrim paraqitje” të vendosur ndaj saj.

Në një deklaratë për mediat, Kryemadhi theksoi se ajo është një individ dhe politikane që zgjedh të përballet me padrejtësitë. Ajo po bën mbrojtjen e saj ligjore për pretendimet e SPAK, duke theksuar se ka evidentuar një sërë shkeljesh ligjore nga organi akuzës. Kryemadhi u shpreh se këto shkelje do të kundërshtohen dhe do t’u tregojnë shqiptarëve të vërtetën në lidhje me akuzat ndaj saj.

“Duroni, se do të informoheni për të gjitha. Do të tregohet se sa i vërtetë është i gjithë procesi,” tha ajo. Ajo gjithashtu sqaroi se nuk ka pasur asnjë komunikim me Ilir Metën.