Lythat shpesh shihen si një problem estetik, por sipas nutricionistit Altin Joka, ato mund të jenë sinjale të rëndësishme që trupi jep për gjendjen e brendshme shëndetësore.

“Lythat shfaqen kur kemi ngarkesë në mëlçi, zorrë të bllokuara ose mungesë të zinkut dhe acideve yndyrore omega,” – shpjegon Joka, duke shtuar se heqja e tyre me acid apo lazer trajton vetëm pasojën dhe jo shkakun.

Sipas tij, lythat janë të lidhur me uljen e imunitetit dhe çekuilibrimin e organizmit. “Shpesh herë, kur sistemi imunitar është i dobët, virusi i Papilomës gjen terren për t’u shfaqur në lëkurë,” thekson ai.

Ekspertët rekomandojnë që, përveç trajtimit estetik, të bëhet analizë e plotë e organizmit, duke kontrolluar funksionin e mëlçisë, zorrëve dhe nivelet e mineraleve si zinku.

Në vend që të mendojmë vetëm për t’i fshirë, lythat duhen parë si një “dritë alarmi” që na paralajmëron për shëndetin e brendshëm.