Qindra motoristë u mblodhën mbrëmjen e së enjtes në Athinë për të protestuar, duke kërkuar drejtësi për tragjedinë e Tempit të Larisës, ku dy vite më parë humbën jetën 57 persona, përfshirë 5 shtetas shqiptarë.

Protesta u organizua nga grupe të motoristëve dhe nisi nga stacioni ku, dy vjet më parë, u nis një nga trenat që ndodhi të ishte treni i pasagjerëve me afro 700 udhëtarë, shumica prej të cilëve studentë që po ktheheshin nga festa e karnavaleve.

Më pas, protestuesit vazhduan me një marshim deri në zyrat e hekurudhave greke, për të përfunduar në sheshin Sindagma. Kjo protestë kishte si qëllim të mbante të freskët kujtimin për viktimat dhe të kërkonte përgjegjësi për këtë aksident tragjik.