Në një intervistë ekskluzive për “Live From Tirana”, Alba Çaushi, motra e Krisës dhe banore aktuale e “BBVA4”, komentoi për herë të parë deklaratën e përhapur të Krisës, e cila ka shkaktuar shumë reagime në rrjetet sociale.

Në intervistën e saj, Krisa kishte rrëfyer se kur ishte 20 vjeç, kishte pasur dyshime për orientimin e saj seksual, duke shprehur një interes për vajzat për një periudhë të shkurtër kohe. Ky rrëfim u bë viral dhe u komentua gjerë në mediat sociale, duke nxitur reagime të ndryshme.

Alba shprehu shqetësimin e saj për reagimet e publikut dhe për mënyrën si u shpërndau ky informacion: “Më shumë më ka shqetësuar jo për atë që ka thënë Krisa, por për komentet që e ekzagjeruan pak. Ajo ka bërë një deklaratë që rreth 19, 20 vjeçe, i pëlqente të shihte vajzat, por nuk ka thënë që është biseksuale. Ajo është me partner në krah, nuk e kuptoj pse u bë kaq e ekzagjeruar.”

Alba theksoi gjithashtu se ata e njohin mirë Krisën dhe se ajo nuk ka pasur asnjë qëllim të keq me fjalët e saj. Ajo shtoi: “Janë komentet që të vrasin më shumë, se ne Krisën e njohim. Pastaj, gocat e bukura kush nuk i ka qejf? Nuk besoj se e ka bërë për lojë, por ka qenë në bisedë e sipër. Krisa pëlqen djemtë.”

Deklaratat e Krisës dhe reagimet që kanë pasuar kanë nxitur një diskutim të gjerë, por sipas motrës së saj, ky ishte një rrëfim personal që nuk duhej të shkaktonte kaq shumë polemika.