Ish-politikani socialist Namik Dokle ka komentuar kaosin e krijuar në Kuvendin shqiptar nga opozita.

Ai shprehet se pamjet tregojnë se jeta parlamentare ka dalë jashtë normalitetit, duke shtuar se të dyja palët, opozita dhe mazhoranca, duhet të respektojnë rregullat e Parlamentit. Dokle thotë se mazhoranca ka forcën, ndërsa opozita duhet të përdorë mençurinë për të shprehur qëndrimet e saj.

Dokle thekson se instrumentat politikë të Parlamentit janë të njohura dhe përdorimi i tyre jashtë këtyre rregullave nuk sjell dobi për parlamentin, shoqërinë, apo zhvillimin e vendit. Ai shprehet se opozita mund të kërkojë të drejtat e saj në mënyra të tjera pa dalë jashtë kornizave parlamentare. Dokle gjithashtu thekson nevojën për bashkim në opozitë për të shprehur qëndrimet e tyre.

Gjëja kryesore që tregojnë ato pamje është që jeta parlamentare ka dalë jashtë normalitetit. Instrumentat politikë të Parlamentit kur dalin jashtë normalitetit nuk kanë dobi. Siç thotë në një shkrim të tij Kamy, kur mungon mirëkuptimi, edhe qëllimet e mira bëhen të padobishme. Kjo që nuk ndodh nuk është zgjidhja normale sepse në këtë aspekt prekim themelet e parlamentarizmit. Nuk dua të bëj gjykatësit, se po ta merrja atë pozicion, kuptohet që unë jam socialist dhe socialist do vdes dhe nuk dua të vë balancë. Ajo që mua më shqetëson si qytetar, apo ish deputeti është që instrumentet e Parlamentit janë të njohura dhe çdo instrument jashtë parlamentar, nuk i bën mire parlamentit, përkundrazi i bën keq. Nuk i bën mirë as shoqërisë, as zhvillimit të vendit. Nuk i bëjnë mirë as atyre që i bëjë këto gjëra. Opozita mendon se është në të drejtën e saj, por ka edhe mënyra të tjera për ta kërkuar këtë të drejtë dhe mendoj se gjëja e parë që duhet të bëjë opozita, sepse maxhoranca ka forcën, opozita duhet të ketë mencurinë. Gjëja e parë ku duhet të shprehet opozita është bashkimi i saj.