Mesditën e sotme, në një rrugë të fshatit Drenovicë, një shtetas me probleme mendore ka dëmtuar me mjet prerës (thikë) bashkëshorten e vëllait të tij. Specialistët për Hetimin e Krimeve të Stacionit të Policisë Dimal kanë reaguar menjëherë, duke kapur dhe ndaluar shtetasin M. (M). O., 69 vjeç, dhe duke sekuestruar mjetin prerës.

Shtetasja L. O., 60 vjeçe, e cila është jashtë rrezikut për jetën, është dëmtuar në rrugë. Autori është një person me probleme mendore. Materialet procedurale janë dërguar Prokurorisë pranë Gjykatës së Shkallës së Parë të Juridiksionit të Përgjithshëm Berat për veprime të mëtejshme.