Sistemi bankar SWIFT ka njoftuar se më 12 mars do të përjashtojë nga rrjeti i tij global 7 banka ruse, në linjë me sanksionet e vendeve të BE-së ndaj Rusisë për pushtimin e Ukrainës.

Sipas asaj që raporton BBC, Rusët duhet të paguajnë 30% më shumë komision në valutë të huaj. Në një shenjë që banka qendrore e Rusisë po përpiqet të ndalojë njerëzit të shesin rubla të tyre, thuhet se e ka bërë më të shtrenjtë për individët blerjen e monedhave të huaja.

Ajo ka vendosur një komision prej 30% për blerje të tilla në shkëmbimet valutore, raporton Reuters. Banka qendrore nuk iu përgjigj menjëherë agjencisë së lajmeve për një kërkesë për koment.

Presidenti rus Vladimir Putin njoftoi dje masa emergjente për të mbështetur rublën ruse, duke përfshirë ndalimin e rusëve për të transferuar para jashtë vendit, pasi valuta ra në një nivel rekord të ulët.

Ditët e fundit shumë rusë të zakonshëm janë garuar për të tërhequr para.