Henri Haxhiraj, 37-vjeçari punonjës i Gardës së Republikës, ka ndërruar jetë pas vetëvrasjes me armën e shërbimit në banesën e tij në Qytetin Studenti. Ngjarja ndodhi sot, më 15 tetor 2024, dhe Haxhiraj u dërgua me urgjencë në spital, por fatkeqësisht nuk arriti t’i mbijetojë plagëve.
Sipas njoftimit të policisë, grupi hetimor po punon për të sqaruar rrethanat e kësaj ngjarjeje tragjike. “Më datë 15.10.2024, në Qytet Studenti, në banesën e tij, ka qëlluar veten me armë zjarri shtetasi H. H., rreth 37 vjeç, punonjës i Gardës së Republikës,” thuhet në raportin zyrtar.
Henri Haxhiraj ishte vëllai i këngëtares së njohur shqiptare, Sheila Haxhiraj, e cila ka reaguar për humbjen e tij duke ndërruar foton e profilit të saj në rrjetet sociale me një simbol zie.
