Ka ndërruar jetë në moshën 47-vjeçare Dorian Kongoli, djali i autorit të njohur shqiptar Fatos Kongoli. Lajmin e hidhur e ka bërë të ditur vetë shkrimtari përmes një postimi në faqen zyrtare të shtëpisë botuese “Toena”.
Dorian Kongoli jetonte dhe punonte prej më shumë se 25 vitesh në New York, ku kishte ndërtuar familjen e tij dhe një karrierë të suksesshme në radhët e policisë së qytetit.
Përveç punës në shërbim publik, ai ishte edhe shkrimtar. Nën pseudonimin Dorian Keys, ai botoi disa romane në gjuhën angleze, ndër të cilat:
• Imprint Legacy (2019)
• Morning Star (2020)
• Yesterday’s Tomorrow: Big Brother Has Evolved (2022)
Në gjuhën shqipe është përkthyer romani i tij “Transplanti i Jetës” (Toena, 2020), ndërsa pritet të botohet edhe vepra e tij e fundit “E ardhmja e së djeshmes: Vëllai i Madh ka ndryshuar pamje.”
Familja Kongoli ka njoftuar se pritja për homazhe do të zhvillohet në mjediset e Shtëpisë Alba, në rrugën e Durrësit, sipas këtij orari:
• E premte, 31 tetor: 10:00–13:00 dhe 17:00–20:00
• E shtunë, 1 nëntor: 10:00–13:00 dhe 17:00–20:00
Një humbje e madhe për familjen Kongoli dhe për komunitetin letrar shqiptar.
