Ka ndërruar jetë në moshën 74-vjeçare Paqësor Hajdini, babai i personazhit të njohur të rrjeteve sociale, Genard Hajdini. Lajmi i trishtë është bërë publik sot, duke sjellë dhimbje dhe tronditje për familjarët, të afërmit dhe miqtë e tij.

Vdekja e Hajdinit vjen vetëm dy muaj pas ngjarjes së rëndë të ndodhur në orët e para të mëngjesit të 3 gushtit, në një lokal në rrugën “Bardhyl” në Tiranë, ku ai dhe i biri u dhunuan fizikisht nga 40-vjeçari Sh. G.

Paqësor Hajdini, i cili pas incidentit kishte pësuar dëmtime serioze, nuk arriti të rikuperohej plotësisht, duke ndërruar jetë sot.

Ngjarja e ka lënë familjen Hajdini të shokuar, ndërsa miq e ndjekës të Genardit kanë shprehur ngushëllime në rrjete sociale për humbjen e rëndë.