Ndërron jetë në spitalin e Durrësit Ardi Daullxhiu, personazhi i njohur i rrjeteve sociale dhe internetit.

Ai njihej si “i mjeri më i famshëm” në Shqipëri dhe u bë publik në emisionin “Zonë e Lirë”, të gazetarit Arian Cani, ku kërkonte ndihmë ekonomike në mënyrë që të dilte nga mjerimi si dhe t’i siguronin një shtëpi ku të jetonte.

Mësohet se ai ka humbur jetën mëngjesin e sotëm në spitalin e Durrësit, si pasojë e një ataku kardiak.

Ardi, baba i një fëmijë, jetonte në kushte të vështira ekonomike, ndërsa pas thirrjeve publike drejtuar Bashkisë, mundi që të kishte një strehë.