Rruga e Jennifer Lopez dhe Ben Affleck drejt martesës nuk ishte aspak e lehtë. Në një intervistë të re për Apple Music 1, këngëtarja e njohur foli për romancën e saj të rindezur me aktorin dhe kujtoi dhimbjen që ndjeu pas përfundimit të fejesës së tyre të parë në vitin 2004.

“Ishte shumë e dhimbshme pasi u ndamë,” tha fillimisht ajo dhe shtoi: “Sapo e anuluam atë dasmë 20 vjet më parë, ishte thyerja më e madhe e zemrës sime. Sinqerisht u ndjeva sikur do të vdisja. E gjithë kjo më çoi në një rrugë ku për 18 vitet e ardhshme, nuk mund t’ia dilja, por tani, 20 vjet më vonë, gjithçka ka një fund të lumtur.
Dashuria e vërtetë ekziston dhe disa gjëra zgjasin përgjithmonë dhe kjo është e vërtetë. Unë dua t’ia dërgoj këtë mesazh botës dhe kjo kërkon shumë përpjekje.- u shpreh Jennifer Lopez.