Ministrja e Jashtme Gjermane, Annalena Baerbock, njofton se Gjermania do të shtojë ndihmën humanitare për Gazën me 38 milionë euro, duke e çuar ndihmën totale për territoret palestineze në mbi 160 milionë euro këtë vit. Baerbock thekson nevojën për pauza humanitare dhe sigurimin e furnizimeve mjekësore në një nga zonat më të prekura të konfliktit.

“Çdo jetë është e njësoj e çmuar. Gjithkush në Izrael apo në Palestinë ka të drejtë të jetojë në paqe e siguri”, theksoi Baerbock. Një hap i parë i rëndësishëm për njerëzit në Gazë janë pauzat humanitare. “Këto duhet të zgjerohen edhe më tej”, kërkoi Baerbock. Gjithashtu duhet t’u jepet siguri furnizimi spitaleve në veri të Rripit të Gazës.

Bisedat e fundit të Baerbock në rajon përfshijnë takime me zyrtarë të lartë palestinezë dhe izraelit, duke adresuar çështjet e pengjeve, situatën humanitare dhe perspektivën e një paqeje nëpërmjet zgjidhjes me dy shtete. Në tandem me deklaratat e saj, Gjermania përkrah një ndërprerje të luftimeve dhe angazhohet për furnizimin e ndihmës humanitare.

Kancelari Gjerman, Olaf Scholz, thekson rëndësinë e Izraelit si një vend i sigurtë për hebrenjtë, ndërsa gjithashtu kërkon ndërprerjen e konfliktit dhe shmangien e përshkallëzimit. Scholz përcakton një qëndrim të qartë solidariteti me Izraelin, ndërsa kërkon të drejtën e tij për mbrojtje kundër organizatës së Hamasit.

“Sulmi i tmerrshëm, barbar i Hamasitndaj qytetareve dhe qytetarëve të Izraelit, ndaj fëmijëve, të moshuarve, të rinjve, që merrnin pjesë në një festival, poshtërimet e filmuara atje, këto janë gjëra që ne nuk do t’i pranojmë kurrë”, tha Scholz. AI njëkohësisht nënvizoi, se duhet bërë gjithçka e mundshme, për të shmangur njëpërshkallëzim të konfliktit dhe për të mundësua rndihmat humanitare për njerëzzit në Rripin e Gazës.