Forcat politike pro-ruse dhe pro-serbe po shtojnë retorikën në mbështetje të Moskës dhe Beogradit, duke shkaktuar shqetësime për integrimin e Malit të Zi në Bashkimin Evropian, vlerësojnë analistët.
Ndikimi rus dhe serb pritet të rritet në muajt në vazhdim, duke rrezikuar stabilitetin dhe marrëdhëniet ndëretnike në rajon.
Rusia, në bashkëpunim me forcat politike pro-serbe, ka fituar një pozicion të fuqishëm në qeveri, duke shtuar tensionet dhe nacionalizmin.
Profesoresha e Universitetit të Malit të Zi dhe analistja Sabina Osmanoviç tha se ndikimi rus në vend ka qenë i vazhdueshëm, por i kontrolluar.
“Ndikimi rus në Malin e Zi ka qenë konstant, por i kontrolluar. Viteve të fundi ky ndikim është i kanalizuar përmes forcave politike serbe dhe Kishës Ortodokse Serbe ku është forcuar dhe dukshëm është bërë më i rrezikshëm”, tha Osmanoviç.
Ndërkohë, përforcimi i retorikës pro-ruse dhe pro-serbe po bëhet pengesë për synimet e Malit të Zi drejt BE-së, ndërsa qeveria mbetet e palëkundur në synimet për integrim evropian.
