Një grua është vënë në kërkim nga policia e Tiranës, pasi dyshohet se ka tentuar të rrëmbejë një fëmijë në një supermarket në kryeqytet. Ngjarja ka ndodhur gjatë ditëve të fundit dhe është regjistruar nga kamerat e sigurisë së marketit.

Sipas pamjeve , gruaja afrohet te një fëmijë që ishte i vetëm dhe e merr në krahë. Pasi qëndron për pak çaste pranë kasës së supermarketit, ajo nis të drejtohet nga dera për t’u larguar. Fatmirësisht, personeli i supermarketit e ka vënë re situatën dhe ka ndërhyrë në kohë, duke parandaluar largimin e gruas me fëmijën.

Policia ka shpërndarë pamjet e saj në të gjitha strukturat për identifikimin dhe kapjen e saj. Për momentin, hetimet po vazhdojnë dhe autoritetet nuk përjashtojnë mundësinë që gruaja të ketë probleme me shëndetin mendor.