Një denoncim ka ardhur nga një 34-vjeçar në Vlorë, i cili akuzon bashkëshorten e tij se është larguar nga Shqipëria dhe nuk është kthyer më.
Jo vetëm kaq por ajo ka marrë edhe fëmijën e mitur të çiftit.

Sipas policisë mbi këtë shtetase rëndon vepra penale “Marrja e padrejtë e fëmijës”.

Njoftimi i policisë:

Specialistët e Hetimit të Krimit në Komisariatin e Policisë Vlorë referuan materialet në Prokurorinë pranë Gjykatës së Shkallës së Parë Vlorë, për veprën penale “Marrja e padrejtë e fëmijës”, për shtetasen E. K., 35 vjeçe, banuese në lagjen “Pavarësia”, Vlorë, pasi ka bërë kallëzim bashkëshorti i saj, shtetasi L. K., 34 vjeç, se kjo shtetase është larguar nga Shqipëria, së bashku me fëmijën e tyre 3 vjeç, dhe nuk është kthyer më.